Samara uniwersitetiniň alymlary Russiýanyň Ylymlar Akademiýasynyň işgärleri bilen bilelikde atmosfera arkaly maglumatlary ibermegiň üýtgeşik usulyny tapdylar. Barlagyň netijeleri Optics Express žurnalynda neşir edildi.
Olaryň tagallalary bilen optiki elementlerini döretmegiň täze usulyny işläp düzmek başartdy, olaryň kömegi bilen bolsa geljekde maglumatlary atmosferada lazer şöhleleri boýunça ibermek üçin enjamlary kämilleşdirmek bolýar.
Alymlar metamaterialyň esasynda optiki elementiň döredilendigini tassyklaýarlar, işiň prinsipi bir wagtyň özünde bir forma getirmekden we polýarizlemäniň tüweleý gurluşly lazer toplumlarynyň fokusirlenmeginden durýar.
Has ýokary gurluşly materiallar energiýanyň umumy ters akymyny üpjün etmäge mümkinçilik berýär. Häzirki wagtda hem maglumatlary atmosferada lazer şöhleleri arkaly ibermek usuly hereket edýär, ýöne ol päsgelçiliklere sezewar bolagan bolýar. Işlenilip düzülen metamateriallaryň kömegi bilen bolsa, aýratyn lazer toplumlaryny döretmek bolýar. Olar atmosferada ýüze çykjak päsgelçiliklere garşy durmaga ukyply bolar.
Mundan başga-da, döredilen metamateriallaryň kömegi bilen optiki duzaklarynyň täze görnüşini işläp düzmek bolýar, bu bolsa bölejikleri çeşmä tarap hereket etmäge mejbur edýär. Polýarizatoryň fokusator bilen bir elementde birikmeginiň netijesinde optiki okunyň golaýynda ýerleşýän energiýanyň uly ters akymyny döretmek bolýandygyny ekspertler aýdýarlar.
Alymlar atmosfera arkaly maglumatlary ibermegiň üýtgeşik usulyny tapdylar
- 29.11.2019 16:51
- 2.2k+
