5-nji dekabrda Nokia täze smartfonlarynyň tanyşdyryş dabarasyny geçirer

Twitterde Nokia Mobile akkauntynda 5-nji dekabrda Kairde (Müsüriň paýtagty) geçiriljek tanyşdyrylyş dabarasyna çagyryş neşir edildi. Onda Nokia-nyň önümleriniň üstüniň ýetirilmegine garaşýandygy barada habar berilýär. Nokia markasy HMD Global kompaniýasy bilen nähili smartfony görkezmekçi bolýandygyny doly mälim edilenok.
Synçylar çärede öň internetde gürrüňi giden Nokia 8.2 öndürijilikli enjamyň görkeziljekdigi baradaky pikire gelýärler. Soňky maglumatlary göz öňünde tutsak, onda bu smartfon FHD+ PureDisplay ekrany, Snapdragon 7 Series prosessory, 8 Gbaýt operatiw ýady, 256 Gbaýt sygymly fleş-apparaty we 64 megapiksel sensorly köp modully kamera bilen üpjün ediler. Operasion sistema – “gutudan” Android 10.
Geljekki tanyşdyryş dabarada Nokia 2.3 we Nokia 5.2 smartfonlaryň anons ediljekdigi barada hem gürrüňler bar. Bu modeller gymmat bolmadyk gurluşlar bilen üpjün ediler.
Canalys kompaniýasynyň bahalandyrmasy boýunça, HMD kompaniýasy ýewropa bazaryna smartfonlary çykarmak boýunça öňdebaryjylaryň sanawynda bäşinji orunda durýar. Şu ýylyň üçünji çärýeginde bu sebitde 0,9 mln Nokia enjamlary durmuşa geçirildi. Olaryň bazardaky paýy – 1,8 göterime golaý.