Hublot sagat senagatynda ilkinji gezek SAXEM materialyndan sagat döretdi

Hublot sagat önümçiligi üçin öň ulanylmadyk ýokary tehnologik materialdan MP-11 sagatlaryny çykarmak bilen özüniň innowasiýa lideri statusyny ýene bir gezek tassyklady. Material SAXEM (Sapphire Aluminium oXide and Earth Mineral) diýlip atlandyrylýar we ýakut daşynyň, alýuminiý oksidiniň we seýrek himiki elementleriniň (tulliý, golmiý we hrom) birikmesini özünde jemleýär. Açyk ýaşyl reňk, doly durulyk we öwüşgin – bu aýratynlyklary Hublot inženerleri birleşmeýänleri birleşdiriji The Art of Fusion konsepsiýasynyň kömegi bilen gazanmagy başardylar. Emele gelen material zümerretden berk bolýar we ol ýakut daşyndan hem güýçli öwüşgin atýar, ony forma getirmek aňsat, onuň içki gurluşy ähli nukdaýnazardan reňkleriň monohromatikligini üpjün edýär. Alty sany H-görnüşli nurbatlar we tow berilýäniň ujy titandan edilen. Sagatlaryň içinde el podzawodly we ikihepdelik ätiýaç hereketli kuwwatly manufaktura kalibri işleýär. Şeýle görkezijä sagatçylar ýogynlygy 10,92 mm bolan ýedi sany barabanyň yzygiderli oturdylmagy bilen eýe boldular. Kese oturdylan barabanlaryň we sagatlaryň hem minutlaryň dik görkezijileriniň arasyndaky energiýanyň geçiş hadysasyny goşmaça çarh üpjün edýär. HUB9011 kalibri 270 bölekden durýar we patentlenen iş sistemasyna hem-de kremnili goýberişe eýedir. Ätiýaç hereketiň görkezijisi ýedi barabanyň çepindäki silindrde ýerleşýär. Diller we san görkezijiler ýaşyl lýuminessent gatlak bilen örtülen.
Sagatlar çäklendirilen tapgyrda 20 ekzemplýarda goýberildi.