Dyz agyryda kömek edýän berhiz

Planetanyň her bäşinji ýaşaýjysy osteartritden ejir çekýär.
Osteartrit – artritiň iň bir ýaýran görnüşleriniň biri, ondan planetanyň her bäşinji ýaşaýjysy ejir çekýär. Gynansakda, häzire çenli bejermäniň netijeli usullary ýa-da bu kesele garşy serişdeler ýok, munda bogunlar gataýar we olaryň hereketi agyryny ýüze çykarýar. Ýöne gowy habarlar hem bar: ýaňy-ýakynda geçirilen metabarlag osteartrit wagtynda kesgitli berhiziň netije berýändigini tassyklady. Surreý uniwersitetiniň hünärmenleri dogry iýmitlenmegiň fiziki hereketler bilen utgaşan ýagdaýynda agyryly alamatlary we çişmäni peseldýändigini kesgitlediler.
Ilkinji nobatda şeýle adamlara ýagly balyklaryň (skumbriýa, gyzyl balyk ýa-da sardina ýaly) kabul edilmesini artdyrmak maslahat berilýär – bu balygyň düzümine girýän omega-3 çişi peseltmäge ukyply. Şeýle maksat bilen balyk ýagyny kabul etmeli. Şeýle-de, osteartritli näsaglara gandaky holesteriniň derejesini peseltmek ugrunda alada etmek gerek, şonuň üçin hünärmenler gyzyl etiň kabul edilişini peseltmegi maslahat berýärler. Mundan başga-da, kletçatkalary saklaýan galla we azyk önümlerini köp iýmeli.
Peýdaly önümleriň ýene bir topary – ir-iýmişler we gök önümler, olar antioksidantlara baý we çişi peseltmäge ukyply. Gündeki rasiona hökmany suratda käşiri, kelemi, gök önümleri, ysmanagy, seldereýi, brokkoli, gara we gyzyl miweleri, şeýle-de hozy we günebakar çigidini goşmak gerek.