Ilon Mask Cybertruck pikapy bilen tanyşdyrdy

Tesla kompaniýasy 22-nji noýabrda özüniň ok geçirmeýän täze Cybertruck elektromobilini görkezdi, divip Ria Nowosti habar berýär. Agentligiň maglumatlaryna görä, täze elektromobiliň ýük göterijiligi 1,5 tonna ýetýär.
“Ol beýlekileriň hiç birine hem meňzeş däl” – kompaniýany esaslandyryjy Ilon Mask mälim edýär. Amerikan kompaniýasynyň ýolbaşçysynyň aýtmagyna görä, Cybertruck pikapy özüniň funksionaly boýunça Ford F-150 benzinli modele meňzeş bolar.
Pikapyň ok geçirmeýjiligini SpaceX kosmiki raketalar döredilende ulanylýan ergin üpjün edýär.
Cybertruck pikapynyň ýük göterijiligi 3,5 müň funta (1,5 tonnadan gowrak) barabar, elektromobil 14 müň funt (6,4 tonna) tirkegi tirkäp bilýär. Akkumulýatoryň göwrümi, hasaplamalara görä, komplektasiýa baglylykda 250, 300 we 500 mile (takmynan, 400, 500 we 800 km) ýetýär. Şunuň bilen birlikde, elektromobiliň zarýady 110/220 wolt güýçdäki elektrik torundan öndürilmeli. Häzirki wagtda standart komplektasiýa awtopilot, awtoparkowka, şeýle-de doly herekete getiriji girýär.
Pikap üç wersiýa eýe boldy. Kiçisi mono-herekete getiriji bilen üpjün edildi we ol bir gezekki zarýadlanmada 400 km çenli ýoly geçip bilýär. Şeýle model 100km/sag çenli 6,5 sekuntda bat alýar. Ortanjy we soňky wersiýasyny doly herekete getiriji bilen üpjün etdiler. Olar “ýüzlerçä” çenli 4,5 we 2,9 sekuntda bat alýarlar. Olaryň gidiş uzaklygy 480-800 km barabar. Tesla Cybertruck pikapynyň içinde 17 dýuýmly displeý we 6 oturylýan ýer oturdylan.
Kompaniýanyň ýolbaşçysy satuwa başlanyşyň senesini atlandyrmady.
Maskyň aýtmagyna görä, hut Tesla Cybertruck Marsda ilkinji ulag bolar. Ýatlap geçsek, milliarder Gyzyl planeta uçuş 2025-nji ýyla çenli mümkin bolar diýip hasaplaýar.