Toyota kompaniýasy RAV4 krossoweriniň bäşinji nesliniň täze gibrid modifikasiýasyny çykardy. Güýçli gurluşlaryň düzümine 2,5 litrlik “atmosfernik” we iki sany elektromotor girýär. Jemi netijesi 306 at güýjüne barabar.
Ony Los-Anjelesdaky awtosalonda görkezdiler. Gibrid gurluşy kuwwatlylygy 177 at güýji bolan 2,5 litrlik standart atmosfera agregatynyň esasynda gurlan. Oňa kömek hökmünde iki sany kuwwatly elektromotor oturdylan – biri öňki tekerleriň herekete getirijisinde, ikinjisi – yzky merkezde. Ahyrynda, jemi netijesi 222-den 306 at güýjüne çenli artdy.
Duran ýerinden 60 mil/sag (96 km/sag) çenli RAV4 Prime 5,8 sekundyň içinde bat alýar. Öň gibrid krossowerine bu hereketi ýerine ýetirmek üçin 2 sekunt köp gerek bolýardy. Litiý-ion batareýiniň göwrümi heniz habar edilenok, ýöne RAV4 Prime krossoweriniň arassa elektrikde 63 kilometre çenli ýoly geçip bilýändigi belli. Benziniň ortaça sarp edilmesi 100 kilometre çenli 2,6 litr derejesinde bellenilen.
Prime kuwwatly krossowerini daş görnüşinden öňdäki bamperi we täze radiator germewi boýunça anyklamak bolýar. Toyota RAV4 Prime krossoweriniň satuwy 2020-nji ýylyň tomsunda başlanýar.
Toyota RAV4 krossoweri 2018-nji ýylyň ýazynda Nýu-Ýorkyň awtosalonynda görkezilipdi. Awtomobil TNGA-K täze platforma geçmek bilen, has berk we ýollara çydamly boldy.
Toyota täze Toyota RAV4 Prime krossowerini hödürledi
- 22.11.2019 05:51
- 4k+
