Iň gowusy diýip ekspertler Huawei Mate 20 X smartfonuny kabul etdiler. Hytaý enjamy 75 bal gazanmagy başardy. Geçen ýylky iPhone XS Max şondan bir bal pes gazandy. Muňa garamazdan, ol özüniň döwrebap “kowumy” iPhone 11 Pro Max-dan üç bal üstün çykdy.
DxOMark fotomümkinçiligi boýunça meşhur reýtingiň ekspertleri öňden bäri smartfonlaryň sesiniň hilini barlap başladylar. Ýaňy-ýakynda bolsa olar birnäçe täze testleriň netijeleri bilen paýlaşdylar. Ekspertler Huawei Mate 20 X smartfonuny iň gowusy diýip hasapladylar.
Reýtingiň dördünji setirini eýelän Samsung Galaxy Note 10+ bolsa bäş bal tapawut bilen Pro Max-dan utuldy. Koreý smartfonunyň hasabynda 66 utuk bar. Ondan soň 65 bal bilen Samsung Galaxy S10+ gelýär.
Bahasy boýunça elýeterli bolan Honor 20 Pro ses meýilnamasynda liderden gaty yza galýar – 53 bal. Reýtingi testde 45 bal gazanmagy başaran Sony Xperia 1 modeli jemleýär.
Huawei hemmesinden üstün çykdy: sesiniň hili boýunça iň gowy smartfonlar belli edildi
- 20.11.2019 05:56
- 4.8k+
![Huawei hemmesinden üstün çykdy: sesiniň hili boýunça iň gowy smartfonlar belli edildi](https://tmcars.info/tmcars/images/original/2019/11/20/06/02/5697f60e-d62e-421e-a6d4-fbf609a6a93a.jpg)