Ýaponiýada dik basgançaga münüp bilýän robotlary döretdiler

Tokio uniwersitetiniň ýapon barlagçylary keseligine ýüzleý ýöräp bilýän we dik basgançaga çykyp bilýän dört aýakly roboty döretdiler.
Ýöreýän robotlar adatça ýokary päsgelçiliklerden baş çykarmaga ukyply bolmaýarlar, şeýle-de bolsa kadadan çykmalar hem hereket edýär. Hatda olar hem dik däl-de, diňe ýapgyt basgançaklara münüp bilýärler. Haçan-da robot dik basgançaga münen wagtynda, onuň agyr merkezi beter yzlygyna gaýdýar we ol gaňyrçaksyz ýa-da saklanmaga kömek edýän beýleki mehanizmlersiz saklanyp bilmeýär, N+1 IEEE Spectrum portaly ýazýar.
Ýapon inženerleri dört aýakly roboty oňa ýörän wagtynda päsgel bermeýän, ýöne dik basgançaga münmäge we ýokarlygyna ýoluny dowam etmäge mümkinçilik berýän ýönekeý ýapyşmalar bilen üpjün edipdirler. Robot hersinde bäş derejeli erkinlik bolan aýaklarynyň ýeterlik ýagdaýda kyn gurluşyna eýe bolan. Aýaklarynyň gutarýan ýerinde güýç we galtaşma datçigi, şeýle-de basgançaklaryň tutalgalaryndan ýapyşmaga mümkinçilik berýän ilgiç ýerleşýär.
Nawigasiýa üçin robotyň arkasynda iki sany lazer uzaklygy ölçeýjiler we kellesinde dört kamera oturdylan. Datçigiň iki görnüşi hem şöhleleri ibermek bilen we serpikdirilen şöhläniň yzyna gaýtmagy arkaly wagty ölçemek bilen gönüden-göni dürli obýektlere çenli aralygy ölçeýärler. Dürli datçiklerden alnan maglumatlar nokatlaryň bir bitewi “buludyna” birigýär, maşyn biliminiň algoritmleri bolsa basgançaklaryň tutalgalaryny özbaşdak aňşyrýarlar we tutmak üçin amatly nokatlary ölçerýärler.
Robotyň algoritmi köptaraply däl we olara her bir basgançak üçin aýratyn öwretmeli bolýar, ýöne geljekde awtorlar bu ýetmezçiligi düzetmegi göz öňünde tutýarlar. Robot diýseň haýal hereket edýär, şol sebäpli bu soragy hem çözmek gerek.
Eger-de ähli zatlar başa barsa, ýokarlygyna islendik görnüşde herket edip bilýän täze robotlar dörär. Olary dürli maksatlar bilen ulanmak bolýar – ýerlerde gözleg geçirme, ýertitremelerde ýa-da başga kataklizmalarda ejir çekenleriň, adamlaryň gözlegi, senagat obýektleriniň öwrenilmegi we ş.m.
Dört aýakly robotlar – häzirki wagtda meşhur trend. Şeýle gurluşlaryň ilkinjilerini Boston Dynamics işläp başlapdy.