Hereket edýän kuwwatlyklaryň gapdalyndan kuzow sehi (meýdany 5,2 ga) we batareýleri gurnama boýunça toplum (1,8 ga) salnar. “Elektrokarlar – bu geljekki ykjamlylyk, Volkswagen hem olary diňe bir millionerlere däl-de, millionlar üçin gurar” – VW Group of America kompaniýasynyň prezidenti Skott Kio mälim etdi.
2022-nji ýylda Folkswagen elektromobilleri üçin demirgazyk amerikan gurnama bazasy bolup Tennessi ştatynyň Çattanuga şäherindäki meýdança hyzmat eder. Ol ýerde eýýäm Atlas krossowerini (onuň bäşorunlyk Cross Sport wersiýasyndan başlap) we Passat sedanyny çykarýan kärhana hereket edýär. MEB batareý modeli hem olar bilen bir konweýerde ýerleşer, ýöne kärhanany giňeltmek gerek bolup durýar, bu bolsa $800 mln-a düşer we 1000-e golaý iş ýerlerini döreder.
Üç ýyldan soň Çattanugadan ilkinji elektrokar ID.Crozz konseptiniň seriýaly wersiýasy bolar (ähtimal, ol ID.4 adyny alar). Mundan öň 2020-nji ýylda nemesler krossoweriň Germaniýada öndürilişini ýola goýarlar.
2022-nji ýyla çenli Volkswagen özüniň elektromobilleri üçin üç sany esasy baza döreder. Ýewropada bu Swikkaudaky, Emdendäki we Gannowerdäki nemes kärhanalary bolar, Hytaýda – Antine we Foşane meýdançalary, Demirgazyk Amerikada bolsa diňe Tennessidäki ýeke kärhana bolar. Batareýler üçin komponentleri üpjün etme işi bilen Çattanugadaky Jorjiniň demirgazyk-gündogarynda gurulýan $1,67 mlrd bahaly kärhana bolan SK Innovation koreý kompaniýasy meşgul bolar.
ABŞ-da VW Group elektrokarlaryň kärhanasynyň gurluşygy başlandy
- 16.11.2019 00:04
- 2.7k+
