Hytaýda dünýäde iň uly 5G-ulgamy işe girizildi

Üç sany hytaý döwlet operatory 31-nji oktýabrda 5G ulgamyny işe girizdiler. Bu barada Bloomberg habar berýär. 
Birinji tapgyrda, takmynan, 10 mln adam hasaba alyndy. Hytaý üçin elbetde, görkeziji kän uly däl, ýöne hut şol görkeziji HHR-däki 5G-ulgamyny dünýäde iň meşhur ulgama öwürýär.  Iň ýakyn möçber Günorta Koreýada, ýagny awgust aýynda ol ýerde 5G ulgamda işleýän iki million enjam barada hasabat berildi.
Häzir Bloombergiň maglumatlary boýunça hyzmat Pekinden, Şanhaýdan we Şençženden başlap, Hytaýyň 50 şäherinde hödürlenilýär.  Ýöne bu karta Chine Mobile kompaniýasy boýunça şeýle. 5G-ulgamyny işe girizen China Telecom we Chine Unicom Hong Kong-yň nirelerde ýaýrandygy heniz belli däl.
Häzirki wagtda tarifleriň bahasy aýda 128 ýuandan (takmynan, $18) 599 ýuana çenli ($85 töweregi) bellenilýär. Bahalar trafikleriň göwrümine görä bolýar. 
Ýylyň ahyryna çenli 5G ulgamyň stansiýalarynyň sanyny 130 müňe çenli artdyrmak meýilleşdirilýär. Sentýabryň ahyrynda olar 80 müň töweregidi. Inwestirlemäniň jemi ýylyň ahyryna çenli, takmynan, 302 mlrd ýuana ýeter ($42,89 mlrd-dan gowrak). 
Şeýle ähmiýetli ösüş Huawei kompaniýasyna iberilen amerikan sanksiýasy tarapyndan şertlendirilen. Ondan öň bäşinji nesliň ulgamy HHR-de 2020-nji ýyldan ir işe girizilmez diýlip çaklanylýardy. Muňa garamazdan, sanksiýa Huawei kompaniýasynyň çözgütleri esasynda gurnalan 5G ulgamynyň ýaýradylmagyna operatorlary gyssadylar.