Siz heniz öz rasionyňyza kädini goşmadyňyzmy? Ähtimal, häzir ony etmegiň tüýs wagtydyr.
Kädiniň tagamynyň her kime ýarap barmaýandygy gizlin zat däl. Muňa garamazdan, kädi örän peýdaly.
Moskwanyň saglygy goraýyş ministrliginiň baş dietology Antonina Starodubowanyň aýtmagyna görä, kädiniň düzüminde iýmit-siňdiriş organlarynyň işini kadalaşdyrýan we ýag çalşygyny çaltlandyrýan pektinleriň köp mukdary saklanylýar. Şeýle-de onda kaliý, magniý, fosfor, demir, sink, marganes, W witamin toparlary, C witaminleri, RR (nikotin kislotasy) we K köp.
Eger bular ýeterlik bolmasa, onda kädiniň çigitlerine hem üns beriň. Olar suwuk ýag kislotalaryna, ösümlik beloklaryna we E witaminine baý. Olaryň düzüminde holesteriniň derejesini sazlaýan fitosterollar hem saklanylýar.
Laýfhak – kädi çigitlerini çorba ýa-da işdäaçara goşmak. Olary gowurmak hem bolýar, ýöne şeýle ýagdaýda olar peýdaly häsiýetleriniň bir bölegini ýitirýärler.
Ýatdan çykarmaň, kädi çigidi örän kaloriýalydyr: 100 gram 520 kaloriýa saklaýar, şonuň üçin olary artykmaç peýdalanmak hökman däl – gündeki norma 30 gramdan köp bolmaly däl.
Kädiniň etini bolsa doňdurmak hem bolýar – bu onuň peýdaly häsiýetlerine hiç hili täsir etmeýär. Kädini bugda we grilde taýýarlasaň, bişirseň we gaýnatsaň hem bolýar – esasy zat öz tagamyňy tapmak.
Dietolog kädiniň peýdasy barada gürrüň berdi
- 02.11.2019 05:21
- 8k+
