Displeýiň işjeň ýerinde ýerleşdirilen ilkinji frontal kameraly smartfonlar bazarlarda bir ýyl töweregi öň ýüze çykdy. ZTE kompaniýasy frontal kamerany ekranyň ýokarsynda ýerleşdirmän, ony dolulygyna gizlemäge mümkinçilik berýän täze bir üýtgeşik dizaýny patentledi.
Kompaniýa tarapyndan intellektual emlägiň Bütindünýä edarasyna 2019-njy ýylyň aprelinde berlen patent ýaňy-ýakynda çap edildi. “Displeý, kameranyň gurluşy, smartfon we ekrany taýýarlamagyň usuly” patentinde örän kiçi frontal kameraly telefon suratlandyrylýar.
Şol bir wagtyň özünde diňe bir frontal kameranyň ýerleşýän ýeriniň ölçegi däl-de, eýsem, onuň ýerleşýän ýeri hem möhümdir. Köp smartfonlarda bolşy ýaly, kamerany ekranyň ortasynda ýa-da burçda ýerleşdirmegiň deregine ZTE kompaniýasy kamerany telefon setiniň we ekranyň ýokary sag tarapyndaky zarýad görkeziji belgileriň arasynda ýerleşdirmegi makul bilipdir.
Ýagny, kamera üçin resmi goýulan ýer burçda ýerleşdiriler, ol beýleki smartfonlaryňka garanyňda has kiçi bolar, her tarapyndaky belgiler bolsa kameranyň ýerleşýän ýerini aýdyň görkezip durar.
LetsGoDigital patentiň suratlandyrmasynyň esasynda bize dizaýn barada düşünje bermek üçin renderleri döretdi, ýöne ahyrky önüm, elbetde, tapawutlanyp biler.
Suratlandyrmada smartfonyň adaty dinamikasynyň bolmajakdygy barada aýdylýar. Bu gurluşda Sound-on-Display ekranyň wibrasiýasy boýunça sesi iberýän tehnologiýa ulanylar, öň bu tehnologiýa LG G8 ThinQ we Samsung Galaxy A80 ýaly smartfonlarda ulanylypdy.
Gizlin kameraly smartfon
- 24.10.2019 17:23
- 9.3k+
