Kosmonawtlara niýetlenilen robot-kömekçiler üçin tehnologiýalar rus awtomatiki stansiýalarynyň Aýa uçuş wagtynda barlanylyp görler. Bu barada Ylmy-barlag institutynyň merkeziniň hünärmenleriniň Waşingtondaky 70-nji Halkara astronawtiki kongresinde hödürlejek dokladynda habar berilýär.
Dokladda platformalaryň täze robotlaşdyrylan kosmiki apparatlar üçin prototip hökmünde hyzmat etjekdigi barada aýdylýar. Geljekde stansiýalar diňe bir kosmonawtlary taýýarlamak üçin däl-de, eýsem olar Aýda peýdalanylmak maksady bilen ulanylar diýip РИА habar berýär.
Häzirki wagtda Aýy öwrenmek boýunça rus programmasynda birnäçe awtomatiki stansiýalar hereket edýär. Günorta polýusyň çäklerinde derňew işlerini geçirmek we parahat gonuşyň tehnologiýalaryny işläp düzmek üçin niýetlenilen “Aý-25” 2021-nji ýylda uçurylar. Ondan soň ýewropa burawlaýjy gurluşy bolan “Aý-26” we “Aý-27” uçuşa taýýarlanylar.
Şu ýylda Russiýada ilkinji adam şekilli FEDOR roboty işlenilip düzüldi. 22-nji awgustda ony Baýkonur kosmodromyndan Halkara kosmiki stansiýa iberdiler. Uçuş wagtynda ol kosmonawtyň dolandyrmagynda birnäçe ýumuşlary ýerine ýetirdi we 7-nji sentýabrda ýene-de Ýere dolandy.
Russiýada kosmonawtlar üçin kömekçi robotlar dörediler
- 23.10.2019 06:20
- 2k+