8848 Lýuks smartfonlaryny öndüriji ýaş hytaý kärhanasy şu ýyl 5 ýyllyk ýubileýini bellemek bilen, Pekinde geçiren çäresinde özüniň 5G eýe bolan ilkinji smartfonuny anons etdi we geljekki meýilnamalar bilen tanyşdyrdy.
Şeýle-de, 8848 Titanium M6 smartfony Qualcomm Snapdragon 865 prosessorynyň bazasynda ilkinji gurluş bolar. Telefon 6,01 ” AMOLED ekranyna, 12 Gbaýt operatiw ýadyna we 1Tbaýt göwrümli apparata hem-de 100-Мп suratlary almaga mümkinçilik berýän 64-Мп kamerasyna eýe bolar.
Apparat Spandragon 865 prosessory elýeterli bolan ýagdaýynda, ýagny 2020-nji ýylyň birinji çärýeginde önümçilige goýberiler. Qualcomm-yň 5G modem oturdylan bu 8 ýaderli çip bilen noýabrda tanyşdyrmagyna garaşylýar. Öndürijiler ykjam gurluşlary LPDDR5 operatiw ýady we UFS 3.0 standartly tiz fleş-apparatlary bilen üpjün edip bilerler.
Lýuks görnüşli täze hytaý gurluşynyň iň bir täsirli funksiýasy janly şahsy kömekçiniň bolmagydyr. Beýleki gurluşlaryň emeli akyl ýetirişiň esasynda ukyply assistentleri işe girizýän mahalynda, kompaniýa akylly kömekçileriň ýeterlik ýagdaýda ýokary hilli hyzmatlary hödürläp bilmeýändigini mälim etdi, şol sebäpli ol öz müşderilerine real adamlara daýanýan şahsy kömekçi hyzmatlaryny hödürledi.
8848 Titanium M6 5G smartfony SD 865 çipli ilkinji smartfon bolar
- 23.10.2019 05:57
- 5.9k+
