Windows 10 eýýäm 2019-njy ýylyň başynda öňki «Windows 7-den» öňe geçip, bar bolan enjamlarda ornaşdyrylýan iň ýörgünli operasion ulgam bolmagy başardy. Şol wagtdan bäri hem ol ýörgünliligini barha artdyrmak bilen, öňdeligini has berkidýär. Ýakynda bolsa «Microsoft» korporasiýasy bu operasion ulgamyň eýýäm 900 million kompýutere ornaşdyrylandygyny habar berdi.
Korporasiýa eýýäm 2020-nji ýylda bir milliard kompýuterde bu önüminiň ornaşdyrylmagyna garaşýar.
«Microsoft-yň» Windows 10 operaion ulgamyndan diňe bir adaty kompýuterler ýa-da noutbuklar däl, eýsem, Xbox One oýun konsollary, HoloLens şlemleri we Microsoft Hub interaktiw tagtalary hem peýdalanýar.
Bu netijäniň ýokarydygyna garamazdan, Windows 10 ulgamyny bazara hödürlemezden öň Microsoft has uly görkezijä garaşýardy. Kompaniýa bary-ýogy iki, iň bolmanda, üç ýylyň içinde ulanyjylaryň sanyny bir milliarda ýetirmek isleýärdi. Emma ösüş depgini o diýen tiz bolmansoň, bu görkezijä ýetmek üçin bäş ýyl gerek boldy.
«Windows 10» eýýäm 900 million kompýutere goýuldy
- 30.09.2019 13:04
- 3.5k+
