«Mrwhosetheboss» YouTube ýaýlymynyň awtory Apple kompaniýasynyň täze smartfonlarynyň akkumulýatorlarynyň hakykatdan hem uzak wagtlap işlemäge ukyplylygynyň barlagyny geçiripdir. Alnan netijelere görä, iPhone 11 Pro Max hatda Huawei Mate 30 Pro-dan hem öňe geçmegi başarypdyr. Ýogsam, Huaweiň iň täze smartfonlary awtonomlyk babatda iň gowularynyň hatarynda görülýärdi.
Deňeşdirmek üçin bäş sany smartfon alyndy: iPhone 11, iPhone 11 Pro, iPhone 11 Pro Max, Huawei Mate 30 Pro и Samsung Galaxy Note10+. Barlag geçirmek üçin bloger ähli smartfonlaryň ekranlaryny maksimal derejede ýagtylandyrdy we yzygiderlikde dürli programmalary işe girizdi: brauzer, kamera, Instagram, YouTube, birnäçe oýunlary we beýlekileri. Şeýle etmek bilen ol enjamlaryň ulanylyşynyň dürli ýagdaýyny döredipdir.
Barlagyň barşynda ilkinji bolup ekrany 6 sagatlap işläninden soňra adaty iPhone 11 öçüp galdy. Ondan ep-esli wagt soňra iPhone 11 Pro we Galaxy Note10+ öçdi. Hemmesinden artyk Mate 30 Pro we iPhone 11 Pro Max saklanyp bilipdir. Ýöne iPhone 11 Pro Max Huaweiden bary-ýogy birnäçe minut artyk saklanypdyr.
Diýmek, iPhone 11 Pro Max we Mate 30 Pro smartfonlaryny bazarda iň uzak wagtlap işlemäge ukyply enjamlar hasaplap bolar.
iPhone 11 Pro Max iň uzak wagtlap işlemäge ukyply smartfon
- 28.09.2019 23:14
- 12k+
