Google kompaniýasy «Android 10 Go» operasion ulgamyny — mobil operasion ulgamynyň gymmat bolmadyk smartfonlar üçin niýetlenilen «ýeňilleşdirilen» görnüşini çykardy. Habar berlişi ýaly, «Go» wersiýada programmalary çalyşmaklygyň tizligi ýokarlandyryldy, programmalaryň özi bolsa, öňküsinden 10% tiz işläp başlaýar we has köp ýady tygşytlaýar.
Şeýle hem «Android 10 Go» Adiantum täze şifrleýji ulgam ornaşdyryldy. Ol gowşak smartfonlar üçin ýöriteleşdirilendir. Google-yň wekilleriniň aýtmagyna görä, Adiantum AES-e garanyňda bäş esse çalt işleýär we ýörite enjamyň bolmagyny talap etmeýär.
«Go» ady bilen OC—nyň ýöriteleşdirilen, ýönekeýleşdirilen wersiýasy çykarylýar. Ol gowşak smartfonlara we operatiw ýady pes bolan — 1,5 Gb-dan uly bolmadyk we oturdylan ýatly planşetlere niýetlenendir. Android-iň Laýt (ýeňil) wersiýasy «arassa» görnüşde — artykmaç programmasyz, interfeýs düzedişsiz goýberilýär we yzygiderli täzelenýär.
Android-iň Go wersiýasy öň smartfony bolmadyk ýa-da doly derejeli OC-ly smartfonlary satyn almak üçin has gymmat bolan ulanyjylar üçin niýetlenendir. Google-de aýtmaklaryna görä, 2018-nji ýylda çykarylan Android Go 500 sany öndürijiniň 1600-den gowrak modeline oturdyldy. Bu operasion ulgamdan dünýäniň 180 ýurdunda peýdalanýarlar.
Google Android 10-uň gymmat bolmadyk smartfonlar üçin wersiýasyny çykardy
- 27.09.2019 22:35
- 7.7k+