28-nji aprelde Seulyň merkezi etrabynda ýerleşen Çonge meýdançasynda Türkmenistanyň moda görkezilişi we medeniýet işgärleriniň konserti geçirildi. Bu barada Türkmenistanyň DIM-niň saýty habar berýär.
Çärelere Türkmenistanyň medeniýet işgärleri, Döwlet daşary ykdysady iş bankynyň «Näzli» döredijilik tans topary, şeýle hem Dokma senagaty ministrliginiň Modeller öýüniň wekilleri gatnaşdylar.
Türkmen medeniýet ussatlarynyň çykyşlary we moda görkezilişi bu ýere gelen tomaşaçylarda uly gyzyklanma döretdi. Çäräniň çäklerinde 28-nji aprelde Seulyň ýaşaýjylary şonuň ýaly-da Merkezi Aziýa ýurtlarynyň sergisi we milli aşhanalary bilen tanyşmaga mümkinçilik aldylar.
Bu çäreler Merkezi Aziýa ýurtlarynyň Bahar Festiwalynyň çäklerinde geçirildi, ol Koreý gaznasynyň gatnaşmagynda «Merkezi Aziýa - Koreýa Respublikasy» Hyzmatdaşlyk forumynyň Kätipligi tarapyndan guraldy.
Seulda Türkmenistanyň medeniýet işgärleriniň moda görkezilişi we konserti geçirildi
- 29.04.2019 16:30
- 4.5k+
