Atageldi Garýagdyýew GDA-nyň baýragyna mynasyp bolan ilkinji türkmen

  • 23.04.2019 11:38
  • 2.5k+

Türkmenistanyň halk artisti, opera aýdymçysy Atageldi Garýagdyýew «Arkalaşygyň Ýyldyzy» baýragyna mynasyp boldy. Bu barada turkmenistan.ru internet-neşiri habar berýär.

«Arkalaşygyň Ýyldyzy» döwletara baýragy gowşurmak boýunça geňeşi 2018-nji ýyl üçin GDA-nyň esasy ynsanperwer baýragynyň eýelerini yglan etdi. Bu baýrak ynsanperwer ulgamdaky dünýä derejesine laýyk gelýän we GDA gatnaşyjy döwletleriň her biriniň ösmegine ýardam edýän iň bir üstünlikli tagallalary üçin her ýylda GDA döwletleriniň wekillerine gowşurylýar. Baýragyň möçberi – 2 million rubl.

Şu ýyl baýragy almak üçin 9 döwletden 14 sany dalaşgär dalaş etdi. Emin agzalarynyň çözgüdi bilen Belarusdan, Azerbaýjandan, Ermenistandan, Gazagystandan, Gyrgyzystandan, Moldowadan, Russiýadan, Türkmenistandan we Täjigistandan jemi 11 adam bu baýraga mynasyp boldy.

«Arkalaşygyň Ýyldyzy» baýragynyň ilkinji gezek Türkmenistandan ýeňijisi Atageldi Garýagdyýew boldy.

Atageldi Garýagdyýew — Türkmen milli konserwatoriýasynyň professory. Köp ýyllaryň dowamynda Magtymguly adyndaky opera we balet teatrynda işledi. Ol «Galkynyş» we «Garaşsyz döwlete bolan söýgüsi üçin» ordenlerine, «Gaýrat», «Türkmenistanyň Garaşsyzlygynyň 20 ýyllygyna», «Magtymguly Pyragy» we «Türkmenistanyň Garaşsyzlygynyň 25 ýyllygyna» medallaryna mynasyp boldy.

Döwletara baýraklar 15-nji maýda Aşgabatda GDA gatnaşyjy agza döwletleriň döredijilik we ylmy intelligensiýasynyň XIV forumynda dabaraly ýagdaýda gowşurylar.

düýn 18:51
2.5k+

Xiaomi 339 dollardan Snapdragon 8s Gen 4 çipli Poco F7 smartfonyny çykardy

Xiaomi täze smartfony — Poco F7-ni hödürledi. Täze enjam mart aýynda çykarylan F7 Ultra we F7 Pro modelleriniň üstüni ýetirdi. Smartfon 4 nm tehnologiýasynda öndürilen sekiz ýadroly Snapdragon 8s Gen 4 prosessorynda işleýär we AnTuTu testinde 2 milliondan gowrak bal toplapdyr...

düýn 18:09
1.8k+

Marvel täze «Fantastiki dörtlügiň» jemleýji treýlerini görkezdi

Marvel “Fantastik dörtlük: Ilkinji ädimler” (“Fantastic Four: First Steps”) filminiň soňky treýlerini köpçülige hödürledi. Film dünýä boýunça prokata 25-nji iýulda çykyp, Marvel-iň kinematografik äleminiň altynjy tapgyrynyň başlangyjy bolar...

düýn 17:29
1k+

Samsung Unpacked tanyşdyrylyşyny senesini resmi taýdan tassyklady: 9-njy iýulda nämeler garaşýar

Samsung 9-njy iýulda Galaxy Unpacked tanyşdyryş çäresiniň geçiriljekdigini resmi taýdan tassyklady. Täze enjamlar Nýu-Ýorkda, ýerli sagat bilen sagat 10:00-da (Aşgabat wagty bilen 19:00-da) görkeziler diýip, The Verge habar berýär...

düýn 16:42
1.8k+

Apple tankytlary nazara alyp, iOS 26-nyň ikinji beta wersiýasynda Liquid Glass-yň interfeýsiniň üstünde işledi

Apple kompaniýasy iOS 26 operasion ulgamynyň ikinji beta-wersiýasyny çykardy. Bu täzelenme bilen kompaniýa täze interfeýs dizaýny bolan Liquid Glass-daky esasy meseleleriň birini düzetdi. Täze interfeýs ýokary aç-açanlykly aýnanyň optiki aýratynlyklaryndan ylham alyp işlenipdi...