2019-njy ýylda Ýeňil atletika boýunça Aziýa çempionatynyň öňüsyrasynda Aşgabatda saýlama ýaryşlary geçirildi. türgenler daş, naýza zyňmak, sprinter ylgawy, beýiklige bökmek, 400 we 800 metr aralyga ylgamak ýaly görnüşlerde ýaryşdylar.
Saýlama ýaryşlarynyň netijeleri boýunça ýygyndy topara 6 türgen — Mergen Mämmedow, Amanmyrat Hommadow (ikisi hem — daş zyňmak), Irina Welihanowa (mnogoborýe), Alişer Saulaýew (100 we 200 metr aralyga ylgamak), Walentina Meredowa (100 metr aralyga ylgamak). Bu türgenler Aziýa çempionaty 2019-da Türkmenistana wekilçilik ederler.
Ýeňil atletika boýunça Aziýa çempionaty — 2019 21-24-nji aprelde Dohadaky (Katar) «Halifa» stadionynda geçiriler. Bu stadionda innowasion we ekologiýa taýdan arassa sowadyş tehnologiýalary peýdalanylyp, türgenler we janköýerler üçin iň amatly şertler döredilendir. Ýeňil Atletika boýunça Aziýa assosiasiýasynyň resmi saýtynyň habar bermegine görä, 45 sany gatnaşyjy döwletleriň arasynda ýaryşlarda medallaryň toplumlarynyň 186-sy ugrunda bäsleşiler.
