Aşgabatda we ýurdumyzyň ähli welaýatlaryndan iňlis dili mugallymlarynyň on ikisi Ýewropa Bileleşiginiň we Beýik Britaniýanyň «PEARSON Education» iri kompaniýasynyň ýardam bermeginde Türkmenistanda amala aşyrylýan halkara bilim maksatnamasynyň uçurymlary boldular, diýip «Нейтральный Туркменистан» gazeti habar berýär.
Abraýly bilim maksatnamasynyň uçurymlaryna Aşgabatdaky ýöriteleşdirilen 29-njy orta mekdepde dabaraly ýagdaýda halkara sertifikatlary gowşuryldy. Bu sertifikatlar onuň eýelerini iňlis dilini okatmakda milli tälimçi-usulyýetçi hökmünde ykrar edýär. Mugallymlaryň ýolbaşçylygynda okatmagyň iň täze usullaryny ulanmak bilen yzygiderli esasda okuw sapaklary gurnalar. Hünär derejesini tassyklaýan abraýly şahadatnamalaryň eýeleri eýýäm paýtagtymyzyň mugallymlaryndan düzülen toparlar üçin birnäçe görkezme tälim beriji sapaklary geçdiler. Ele alan innowasion tejribelerini bu mugallymlar iş ýüzünde — her mugallym öz mekdebinde amal etdiler.
