Leonardo Di Kapriony "Kalmar oýny" serialynyň üçünji möwsümindäki surata düşürilişine çagyrmaklary mümkin. Bu barada Seulda geçen Netflix metbugat konferensiýasynyň barşynda serialyň režissýory Hwan Don Hek mälim etdi diýip, Variety habar berýär.
"Leonardo Di Kaprio "Kalmar oýnunyň" ölemen aşygy, şonuň üçinem, wagty gelip, nesibesi çekse, biz ondan tomaşa goşulmagy haýyş ederis" - diýip, filmi goýujy aýtdy.
Şeýle-de, ol ikinji möwsümde tomaşaçylaryň ekranda golliwud aktýorlaryna gabat gelmejekdigini, wakalaryň bolsa Koreýanyň çäginde ýaýbaňlanjakdygyny habar berdi. Ýöne üçünji möwsümde filmiň düşüriljek meýdançasy üýtgese gerek.
"Kalmar oýnunyň" Netflix-däki ilkinji görkezilişi 2021-nji ýylyň 17-nji sentýabrynda bolupdy. Filmiň sýužeti boýunça maliýe kynçylygyny başdan geçirýän gahrymanlar uly pul baýragy üçin ölüm howply oýna gatnaşmaga razylyk berýärler.
