“Lester Sitiniň” 21 ýaşly fransiýaly merkezi goragçysy Uesli Fofana ýakyn wagtda Londonyň “Çelsi” klubuna geçer. Bu barada L’Equipe neşirine salgylanyp, regnum.ru habar berýär.
Çeşmäniň maglumatlaryna görä, “Çelsi” Fofana üçin 82,5 mln ýewro tölär, ýöne şertnamada dürli bonuslar hem göz öňünde tutulýar. Şeýlelikde, fransiýaly oýunçy futbol taryhynda iň gymmat goragçy bolar.
Häzirki wagtda iň gymmat goragçy 2019-njy ýylyň 5-nji awgustynda 87 mln ýewro “Lester Sitiden” “Mançester Ýunaýtede” geçen Harri Maguaýrdyr.
Fofana “Lester Sitide” 35 mln ýewro “Sent-Etýenden” geçenden soň, 2020-nji ýylyň 2-nji oktýabryndan bäri çykyş edýär. Häzir Transfermarkt internet portaly ony 40 mln ýewro bilen bahalandyrýar.