Şri-Lankanyň Parlamenti ýurduň wagtlaýyn Prezidenti Ranil Wikramasingheni döwlet Baştutany saýlady diýip, Associated Press habar berýär.
73 ýaşly syýasatçy 134 ses aldy, onuň iň ýakyn garşydaşy — HBS işleri boýunça öňki ministr Dulla Allahaperuma — 82 ses aldy.
Wikramasinghe şu ýylyň maý aýyndan bäri premýer-ministr wezipesini eýeleýärdi. Iýul aýynda ol Şri-Lankanyň Prezidentiniň wezipesini wagtlaýyn ýerine ýetirip başlady.
Geçen hepdede ýurduň öňki Prezidenti Gotabaýa Rajapaksa Parlamentiň başlygyna wezipesinden aýrylýandygy barada habarnama ugratdy. Habaryň hakykylygyny barlandan soň, Parlamentiň başlygy Rajapaksanyň wezipesinden aýrylmagyny tassyklady.
Şri-Lanka 1948-nji ýylda Beýik Britaniýadan garaşsyzlygyny alanyndan bäri, iň agyr ykdysady çökgünligi başdan geçirýär.
