Rianna ABŞ-nyň iň ýaş self-made milliarderi boldy

Rianna ABŞ-nyň iň ýaş self-made milliarderi boldy

Amerikaly aýdymçy Rianna ABŞ-da iň ýaş self-made milliarder diýlip yglan edildi. Ol “Forbes-iň” wersiýasyna görä, özbaşdak üstünlik gazanmagy başaran iň baý aýallaryň sanawyna girizildi diýip, afisha.bigmir.net habar berýär.

Riannanyň baýlygy 1,4 mlrd dollar bilen bahalandyrylýar. 2022-nji ýylda aýdymçy 40 ýaşdan kiçi ýeke-täk milliarder bolup, “Forbes” sanawynda 21-nji orny eýeledi. Rianna 34 ýaşynda.
Ýeri gelende bellesek, artistiň baýlygy diňe bir aýdym-sazdan gelýän girdejiden ybarat däl. Rianna Fenty Beauty we Fenty Skin kosmetika brendleriniň, şeýle-de Savage X Fenty brendiniň eýesidir.
2018-nji ýylda ABŞ-da baýlygyny özbaşdak gazanan iň ýaş milliarder Kim Kardaşýanyň kiçi dogany – şol wagt 21 ýaşyndaky Kaýli Jenner boldy. Ýöne reýting neşir edilenden gysga wagtdan soň, onuň emläginiň gaýtadan hasaplanandygy we netijede 1 mlrd dollara ýetmändigi sebäpli, ol milliard baýlyga eýe bolanlaryň sanawyndan aýryldy.