JSW MG Motor India kompaniýasy özüniň MG Majestor wnedorožniginiň 406 tonnadan gowrak agramy bolan demir ýol düzümini ýerinden gozgap, dünýä rekordyny goýandygyny yglan etdi.
Synagda hereketlendirijisine, transmissiýasyna we çekiji ulgamyna hiç hili goşmaça üýtgetmeler girizilmedik görnüşli awtomobil ulanyldy. Synagyň barşynda wnedorožnik 406,4 tonna agramy bolan düzümi takmynan 90 metr aralyga süýşürdi. Ýagdaýy başdan-aýak yzarlan garaşsyz gözegçiler herekete diňe awtomobiliň gatnaşandygyny tassyklady.
Netije «Wnedorožnik tarapyndan süýşürilen iň agyr otly» kategoriýasynda rekordy hasaba almak üçin bellenen 400 tonnalyk minimal araçäkden ýokary boldy.
MG Majestor 215,5 at güýjine we 478,5 Nm aýlaw pursadyna eýe bolan 2,0 litrlik goşa turbonadduwly dizel hereketlendiriji bilen enjamlaşdyrylandyr. Hereketlendiriji 8 basgançakly awtomat berliş gutusy bilen utgaşykly işleýär.
