Türkiýe iýunda eksportyň aýlyk görkezijisi boýunça rekord goýdy

Türkiýe iýunda eksportyň aýlyk görkezijisi boýunça rekord goýdy

2022-nji ýylyň iýun aýynda Türkiýäniň eksport möçberi 23,4 mlrd dollar boldy, bu bolsa ýurduň taryhynda rekord derejeli aýlyk görkezijidir. Bu barada respublikanyň söwda ministri Mehmet Muş aýtdy diýip, TASS habar berýär.

“2022-nji ýylyň iýun aýynda Türkiýäniň eksport möçberi 23,4 mlrd dollar boldy, bu geçen ýylyň degişli aýyndaky görkezijiden 18,5% ýokarydyr. Iýun aýynda eksport möçberi Türkiýäniň taryhynda daşary ýurtlara iberilişiň iň ýokary aýlyk görkezijisi boldy. 2021-nji ýyldan bäri dowam edýän eksportyň ösüş tendensiýasy şu ýyl hem saklanýar” – diýip, Anadolu agentligi onuň sözlerini getirýär.

Muş birinji ýarymýyllykda türk eksportynyň möçberiniň 126 mlrd dollara barabar bolandygyny hem belledi. Iýun aýynda türk importynyň möçberi 40% ýokarlanyp, 31,6 mlrd dollara ýetdi, şolardan 8,1 mlrd dollar energiýa göterijilerini satyn alyşlaryň paýyna düşdi.