Formula-1 2023-nji ýylda Günorta Afrikada Gran-pri geçirmegi meýilleşdirýär

Formula-1 2023-nji ýylda Günorta Afrikada Gran-pri geçirmegi meýilleşdirýär

Formula — 1-iň ýolbaşçylary dünýä çempionatynyň indiki ýyl üçin senenamasyna Günorta Afrikany goşmaga çalyşýarlar we 2023-nji ýylda Günorta Afrika Respublikasynda Gran-pri geçirmek meselesiniň üstünde iş alyp barýarlar diýip, Daily Mail habar berýär. 

Indiki hepde Formula-1-iň ýolbaşçysy Stefano Domenikali meseläni jikme-jik maslahatlaşmak üçin gysga möhletli sapar bilen Günorta-Afrika Respublikasyna barmakçy bolýar. Eger 2023-nji ýylda boljak Gran-priniň geçirilişi ylalaşylsa, onda ýaryş Ýohannesburgyň golaýyndaky Gauteng welaýatynda ýerleşen 100 müň adamlyk Kýanlami awtodromynda geçer.
Afrika yklymynda dünýä çempionatynyň çägindäki soňky ýaryşyň 30 ýyl töweregi mundan owal geçendigini bellemegimiz gerek. Afrika Formula-1-iň Gran-prisini 1993-nji ýyldan bäri kabul etmändir.