Hünärmenler: iň baý 10 adamyň baýlygy Ýer ýüzüniň ýaşaýjylarynyň 40%-iniň umumy baýlygyndan ýokarydyr

Hünärmenler: iň baý 10 adamyň baýlygy Ýer ýüzüniň ýaşaýjylarynyň 40%-iniň umumy baýlygyndan ýokarydyr

Dünýäniň iň baý on adamynyň baýlygy planetanyň iň garyp ilatynyň 40%-iniň – 3,1 mlrd adamyň toplan pulunyň umumy möçberinden ýokarydyr. Bu barada Oxfam halkara haýyr-sahawat we ynsanperwer guramasynyň hasabatynda aýdylýar diýip, TASS habar berýär.

Onda, umuman, dünýäde 2 688 milliarderiň bardygy we munuň iki ýyl ozalkydan 573 milliarder köpdügi, şeýle-de olaryň umumy baýlygynyň 12,7 trln dollara deňdigi bellenilýär. Gurama iň uly 20 sany dollar milliarderiniň emläginiň Saharanyň günortasyndaky Aftikanyň JIÖ-den ýokarydygyny görkezýär. Hünärmenler koronawirus pandemiýasy başlany bäri, statistika görä, dünýäde her 30 sagatdan täze milliarderiň dörändigini belleýärler.

Şol bir wagtyň özünde soňky iki ýylda milliarderleriň umumy emlägi geçen 23 ýyla garanyňda has köpeldi. Häzirki wagtda olaryň umumy baýlygy global JIÖ-niň 13,9%-ine deňdir, bu bolsa 2000-nji ýyl bilen deňeşdirilende üç esse ýokarydyr. Ykdysatçylar, hususan-da, energetika we azyk pudagynda işleýän kompaniýalaryň eýeleriniň soňky döwürlerde has uly girdeji gazanandyklaryna ünsi çekýärler – iki ýylda 453 mlrd dollar.