Dortmundyň «Borussiýasy» täze baş tälimçisiniň adyny mälim etdi. Bu wezipä Edin Terziç bellenildi. 39 ýaşly hünärmen bilen baglaşylan şertnamanyň möhleti 2025-nji ýylyň tomsuna çenlidir. Gelip çykyşy horwat bolan nemes tälimçisi öňem 2020/21 möwsümde «Borussiýa» baştutanlyk edipdi, şondan soň klubuň tehniki direktorynyň wezipesine geçipdi.
Geçen möwsümde «Borussiýa D» Germaniýanyň çempionatynda ikinji ýeri eýeläpdi. Altyn medaly on gezek yzly-yzyna ýurduň çempiony bolan mýunhenli «Bawariýa» alypdy.
Dortmundyň klubunyň öňki baş tälimçisi Marko Roze 20-nji maýda wezipesinden boşadyldy. 45 ýaşly Roze geçen ýylyň tomsunda kluba ýolbaşçylyk etdi.
Edin Terziç oýunçy döwründe hüjümçiniň ornunda çykyş edip, aşaky ligalardaky nemes klublarynda oýnapdy. 2010-njy ýylda ýetginjekler toparynyň tälimçisi hökmünde «Borussiýa» gelipdi. Soňra birnäçe ýyl «Beşiktaşda» we «West Hem Ýunaýtedde» tälimçiniň kömekçisi bolup işledi, ondan soň 2018-nji ýylda «Borussiýa» dolanyp geldi.