37 ýaşly argentinaly futbolçy Anhel Di Mariýa Ýewropadaky 18 ýyllyk karýerasyny tamamlaýandygyny we öz eziz kluby “Rosario Sentrala” gaýdyp barýandygyny habar berdi.
Ýarymgoragçy professional karýerasyna bu klubda başlapdy. Ol toparda 2005 – 2007-nji ýyllarda çykyş edenden soň, Ýewropa gelip, “Benfikada”, Madridiň “Realynda”, “Mançester Ýunaýtedde”, “Pari Sen-Žermende” we “Ýuwentusda” oýnady. Soňky iki möwsümi “Benfikada” geçirdi.
2025-nji ýylyň 1-nji iýulyndan Di Mariýa “Rosario Sentralyň” oýunçysy boldy.
“Şu gün öýe dolanmagyň wagty geldi. Meniň Ýewropadaky karýeram tamamlandy. Köp ýyl geçdi, men köp klubda oýnadym we ýatdan çykmajak pursatlar bilen gidýärin.
Ýewropada geçen 18 ýylda men diňe bir ajaýyp şäherlerde däl, eýsem köp sanly örän gowy adamlar bilen ajaýyp klublarda-da durmuşdan lezzet aldym. Men hemişelik ýüregimde galjak dostlary gazandym. Meniň başdan geçiren her bir üýtgeşik pursatym meni şu günki derejäme ýetirdi. Urulmak, aglamak, gaharlanmak, turmak we öňe hereket etmek bolsa, elbetde, meniň futbolçy hem şahsyýet hökmünde ösüşimiň bir bölegi boldy…” – diýmek bilen, Di Mariýa oýnan klublarynyň her birine minnetdarlyk bildirip, topardaşlaryny we işgärleri hiç haçan ýatdan çykarmajakdygyny belledi.
“Men ene-atam we doganlarym bilen, gorky we ynamsyzlyk bilen 2007-nji ýylda asla ýaş wagtym geldim. Men ösdüm, ulaldym we häzirki günde men olaryň, aýalymyň we gyzlarymyň söýgüsi bilen gurşalan.
Maňa gapylaryňyzy açandygyňyz üçin, Portugaliýa, Ispaniýa, Angliýa, Fransiýa we Italiýa, size minnetdar. Hoş galyň” – diýip, Di Mariýa sosial ulgamlarda ýazdy.
