Ahalda Akhan bedewiniň heýkeli ýerleşdirilen monument gurlar

Ahalda Akhan bedewiniň heýkeli ýerleşdirilen monument gurlar

Türkmenistanyň Prezidenti Karara gol çekdi. Resminama laýyklykda, Ahal welaýatynyň häkimligine meşhur Akhan bedewiniň heýkeli ýerleşdirilen monumentiň taslamasyny düzmek hem-de gurmak barada «Sport ýyldyzy» hususy kärhanasy bilen şertnama baglaşmaga ygtyýar berildi.

Gurluşyk işlerine 2022-nji ýylyň maý aýynda başlamak we monumenti 2022-nji ýylyň dekabr aýynda doly taýýar edip tabşyrmak bellenildi.
Ýeri gelende ýatlatsak, Akhany Gurbanguly Berdimuhamedowyň hut özi seýisläp ýetişdirdi. Akhan «Galkynyş» milli at üstündäki oýunlar toparynyň düzüminde ençeme ýurtlarda çykyş etdi. 2017-nji ýylda Akhanyň çarpaýa galmagy bilen, paýtagtymyzda geçirilen Ýapyk binalarda we söweş sungaty boýunça V Aziýa oýunlarynyň alawy ýakyldy.
2018-nji ýylda Türkmenistanyň Prezidentiniň Ahalteke atçylyk toplumyna degişli Akhan 10 metr aralygy çarpaýa galyp, çalt geçmegi başardy. Şeýlelikde, ol 2016-njy ýylda görkezilen öňki netijäni iki esse gowulandyrdy. Ol çarpaýa galyp, bu aralygy 4,19 sekuntda geçdi we dünýä rekordyny goýdy. Munuň özi Ginnesiň rekordlar kitaby tarapyndan bellige alyndy.