Hytaýyň BYD kompaniýasy içinden ot alýan adaty hereketlendirijili awtoulaglaryny goýbermegi doly tamamlady. Bu barada öndürijiniň metbugat gullugy habar berýär.
Kompaniýada BYD-nyň «däp bolan motorly ulagdan dünýäde ilkinji bolup ýüz öwren awtoulag öndürijidigini» mälim etdiler. Şunuň bilen birlikde, Ýewropanyň Smart nyşanly kompaniýasy içinden ot alýan adaty hereketlendirijili awtoulaglary goýbermegini 2019 ýylda bes edipdi.
Şol bir wagtda BYD-da kompaniýanyň öz ýangyç bilen işleýän köne ulaglary üçin kepillik möhleti we kepillikden soňky hyzmatlar üçin awtoşaý toplumlaryny çykarmagy dowam etjegini nygtadylar.
2022 ýylyň martynda BYD, Tesla kompaniýasynyň HHR-na satýan awtoulaglarynyň sanyndan öňe geçip, Hytaýda elektromobilleriň we olaryň garnuwlarynyň 104,3 müň sanysyny ýerledi. CarNewsChina neşiriniň ýazyşy ýaly, 2022 ýylda BYD, awtoşaý toplumlarynyň ýetmezçiligi bilen bagly meseläni çözen ýagdaýynda, öz söwdasyny 1,2 mln awtoulag bolanlygyndan 1,5-2,0 mln awtoulaga çenli artdyryp biler.
