Statcounter-iň şu ýylyň mart aýyndaky statistikasyna görä, Google Chrome stolüsti personal kompýuterler (PK) segmentinde 67,29% bilen öňdebaryjy bolmagy dowam etdirýär. Mart aýynda onuň paýy hatda 2,4% ýokarlandy.
Ikinji orun üçin göreşde bolsa ilkinji gezek Microsoft Edge üstün çykdy – onda 9,65% paý bar. Üçünji orunda ýerleşen Safari-niň paýy 9,56%-e ýetýär. Dördünji we bäşinji orunlary, degişlilikde Mozilla Firefox (7,57%) we Opera (2,81%) eýeleýär. Bu ýagdaý diňe stolüsti PK üçin brauzerler barada gürrüň edilende şeýledir.
Global statistikada (ol stolüsti PK-ny we mobil gurluşlary-da göz öňünde tutýar) Edge üçünji orunda ýerleşýär we ol Safari-den ep-esli yza galýar: 4,05% garşy 18,84%-e. Munda hem birinji orny Google Chrome eýeleýär, ýöne onuň global bazardaky paýy birneme pes – 64,53%. Dördünji we bäşinji orunlarda Mozilla Firefox (3,4%) we Samsung Internet (2,82%) ýerleşýär.
