Çempionlar ligasynyň çärýek finalynda «Çelsi» futbol kluby ispanlaryň «Realy» bilen duşuşar. Ýaryşyň bijeleri anna güni Nýonda (Şweýsariýa) çekildi.
Çarýek finalyň beýleki duşuşyklarynda iňlisleriň «Mançester Siti» kluby ispanlaryň «Atletiko» kluby bilen, ispanlaryň «Willarealy» germanlaryň «Bawariýasy» bilen, portugallaryň «Benfikasy» iňlisleriň «Liwerpuly» bilen duşuşar.
Birinji oýunlar 5-6-njy aprelde, jogap oýunlar 12-13-nji aprelde geçiriler.
Çempionlar ligasynyň birinji ýarym final duşuşygynda «Mançester Siti»-«Atletiko» we «Çelsi»-«Real» jübütleriniň ýeňijileri duşuşar. Ikinji ýarym finalda bolsa «Benfika»-«Liwerpul» we «Willareal»-«Bawariýa» duşuşygynyň ýeňijileri duşuşar. Ýarym final oýunlary 26-27-nji aprelde we 3-4-nji maýda geçiriler.