Bloomberg: pandemiýa milliarderleri has-da baýatdy

  • 09.12.2021 09:13
  • 8.9k+

Koronawirus pandemiýasy şertlerinde dünýäniň milliarderleri öz baýlyklaryny has-da artdyrdylar. Bu barada Bloombergiň maglumatyna salgylanyp, lenta.ru habar berýär.  

Bellenilişi ýaly, 2021-nji ýylda tutuş dünýäde milliarderleriň sany 2 müň 755-e ýetdi we olara dünýä baýlygynyň 3,5 göterimi degişlidir. Munuň özi pandemiýadan öňki, 2020-nji ýylyň başyndaky görkezijiden 2 göterim köpdür. Milliarderleriň baýlygy jemi 13,1 trillion dollara deň. Pandemiýa döwründe 4,1 trillion dollar ýygnap, olar has-da baýadylar.

Bloomberg Billionaires indeksiniň maglumatlaryna görä, 267 milliard amerikan dollaryna deň bolan baýlygy bilen Tesla we SpaceX kompaniýalarynyň esaslandyryjysy Ilon Mask dünýäniň iň baý adamy hasaplanýar. Sanawda 197 milliard dollarlyk baýlygy bilen Amazon kompaniýasynyň ýolbaşçysy Jeff Bezos ikinji, LVMH fransuz kompaniýalar toparynyň Baş direktory Bernar Arno bolsa 162 milliarda deň bolan baýlygy bilen üçünji orny eýeledi.


23.11.2025 20:28
2.3k+

Bezos täze «Project Prometheus» startapyny esaslandyrdy we 6,2 milliard dollar maýa goýumyny toplady

Milliarder Jeff Bezos emeli aň ulgamynda «Project Prometheus» atly başlangyjyny işe girizdi. The New York Times gazetiniň habaryna görä, kompaniýa eýýäm 6,2 milliard dollar maýa goýumyny toplady we bu ony irki tapgyrdaky maliýeleşdirme boýunça dünýäde öňdebaryjy başlangyçlaryň birine öwürdi...

16.11.2025 20:46
2.2k+

Mask ahyrsoňy Apple we OpenAI bilen bagly işi kazyýete berdi

Apple we OpenAI Ilon Maskyň kompaniýalarynyň (X Corp we xAI) antimonopoliýa arzasyny ýatyryp bilmediler. ABŞ-nyň okrug kazysy Mark Pitman (Mark Pittman) bu baradaky haýyşlary kanagatlandyrmady. Kazynyň bu karary X Corp we xAI kompaniýalaryna Apple we OpenAI-ny "bäsdeşlige garşy dilleşmekde" we bäsdeşler üçin päsgelçilik döretmekde aýyplaýan kazyýet işini dowam etmäge mümkinçilik berdi...

08.11.2025 00:55
5.9k+

Tesla-nyň paýdarlary Maska trillion dollar tölemäge razy boldy

Tesla-nyň paýdarlary kompaniýanyň egindeş esaslandyryjysy we baş direktory bolan Ilon Maska 1 trln dollar tölemegi makullady. Ses bermegiň netijeleri Tehasdaky ýyllyk gurultaýda yglan edildi diýip, The Guardian habar berýär...

22.10.2025 17:53
14k+

Ilon Mask 1 trln dollar tölemeseler, Tesla-dan gitjekdigini aýtdy

Tesla-nyň ýolbaşçysy Ilon Mask paýdarlar 1 trln dollar möçberde täze öwez bukjasyny tassyklamasa, kompaniýadan gitjekdigini ýaňzytdy. On ýyla niýetlenen täze töleg maksatnamasy üçin paýdarlar indiki aýyň başynda ses berer...