“Ölmegiň wagty däl” filmi pandemiýa döwrüniň iň köp girdejili filmi boldy

  • 22.11.2021 23:46
  • 5.2k+

Daniel Kreýgiň Jeýms Bond hakyndaky iň soňky filmi 2021-nji ýylda we bütin pandemiýa döwründe resmi taýdan iň köp girdeji gazanan film boldy. Keri Fukunaginiň filmi hepdäniň ahyrynda dünýä kassa ýygymynda 733 million dollar toplamagy başardy. Bu barada Dieadline salgylanyp, kanobu.ru habar berdi.

"Ölmegiň wagty däl" öý prokaty boýunça 154 million dollar we halkara derejede 579 million dollar girdeji gazandy. Şeýlelikde, film 725 million dollar girdeji gazanan “Forsaž 9” filminiň rekordyny täzelemegi başardy. Bu filmleriň ikisiniň hem öndüren Universal şu ýyl girdejisi 700 million dollardan geçen ýeke-täk kinostudiýa boldy.

“Ölmegiň wagty däl” filminde Deniel Kreýgden başga-da Rami Malek, Lea Seýdu, Laşana Linç, Ben Uişou, Jeffri Raýt, Kristof Waltz, Reýf Faýns we Ana de Armas dagylar çykyş etdiler.

04.07.2025 18:53
4.7k+

Louis Vuitton 10 müň dollara halas ediş halkasynyň şekilinde ýantorba çykardy

Louis Vuitton fransuz moda öýi halas ediş halkasynyň şekilinde üýtgeşik ýantorba hödürledi. Onuň bahasy 10 müň dollara barabar. Aksessuar wintaž stilindäki ýazgy bilen brendiň nusgawy reňkinde ýerine ýetirildi, bu hem ony tomusky obraz üçin tüýs laýyk edýär...

04.07.2025 17:05
7.6k+

Prada hindi şypbyklarynyň dizaýnyny ogurlamakda aýyplandy

Prada italýan moda öýi hindi şypbyklarynyň dizaýnyny göçürmekde aýyplamalar bilen ýüzbe-ýüz boldy. Dawa Milanda erkekleriň Moda hepdeliginde brendiň täze kolleksiýasy görkezilenden soň başlady diýip, Daily Mail neşiri ýazýar...

02.07.2025 11:27
7k+

Louis Vuitton Şanhaýda kruiz gämisiniň şekilinde dükan açdy

Şanhaýyň işewürlik merkezinde The Louis ady bilen Louis Vuitton-yň binasy açyldy. Ol kruiz gämisiniň şekilinde gurlup, şäheriň merkezi köçeleriniň biriniň gapdalynda ýerleşdi. Onuň içinde brendiň dükany, Le Café Louis Vuitton kafesi we Visionary Journeys sergi zaly bar...

27.06.2025 23:34
3.1k+

«Ýadro gyşy» Vogue bilen hoşlaşýar: Anna Wintur baş redaktorlyk wezipesinden çekilýär

Britaniýaly žurnalist we moda dünýäsiniň iň täsirli şahsyýetleriniň biri hasaplanýan Anna Wintur «Vogue» amerikan žurnalynyň baş redaktory wezipesinden çekilýär. Ol bu wezipede 37 ýyl işledi diýip, «Condé Nast» mediakompaniýasyna salgylanyp, CNN habar berýär...