Dünýäde iň çalt baýaýan ýurt belli boldy

Dünýäde iň çalt baýaýan ýurt belli boldy

Soňky 100 ýylda Hytaý girdeji derejesi boýunça ABŞ-dan öňe geçip, dünýäde iň çalt baýan ýurt boldy. Muny McKinsey konsalting kompaniýasynyň hasabatynyň maglumatlary delillendirýär diýip, Day.Az belleýär.

Soňky 20 ýylda dünýä baýlygy üç esse artdy. Global girdejileriň şeýle çalt ösüşiniň esasy sebäplerini ýaşaýyş jaýlarynyň bahasynyň ýokarlanmagy bilen baglanyşdyrýarlar. Şeýlelikde, dünýädäki girdejiniň 60%-den gowragyny emele getirýän 10 ýurduň aktiwleri soňky 20 ýylda 156 trln dollardan 514 trln dollara çenli ýokarlandy. Şol bir wagtyň özünde, ösüşiň üçden bir bölegi Hytaýyň paýyna düşýär, onuň baýlygy 7-den 120 trln dollara çenli ýokarlandy.

ABŞ sada netijeleri görkezdi. Ol 20 ýylda 2000-nji ýyldaky derejesini iki esse artdyryp, 90 trln dollara ýetmegi başardy diýlip, habarda bellenilýär.

Global aktiwleriň umumy bahasynyň dörtden üç bölegi gozgalmaýan emläkdir. Şonuň üçin aktiwleriň bahasynyň birden ýokarlanmagy gozgalmaýan emläk we göterim derejesiniň peselmegi bilen baglanyşyklydyr. Ýöne ol girdejiniň ösüşinden has çalt gymmatlaýar. Bu hem has köp adamyň jaý satyn alyp bilmezligine getirýär diýip, McKinsey belleýär. Şeýle ýagdaý ýaşaýyş jaýy bazaryndaky köpürjik bilen baglanyşykly 13 ýyl mundan öň ABŞ-da bolup geçen maliýe çökgünligine sebäp bolup biler diýip, kompaniýanyň analitikleri jemleýär.