Garyşyk söweş sungatynyň (MMA) ABŞ-ly söweşijisi Maks Holloweý UFC Vegas 42-niň esasy tutluşygynda meksikaly Ýair Rodrigesi ýeňdi. Ýarym ýeňil agram derejesinde doly bäş raund dowam eden tutluşyk eminler toparynyň biragyzdan karary bilen ozalky çempion Holloweýiň peýdasyna 49:46, 48:47, 48:47 hasabynda tamamlandy.
29 ýaşly Holloweý ýarym ýeňil agram derejesinde UFC-niň öňki çempiony bolup durýar. Onuň hasabynda 23 ýeňiş we 6 ýeňliş bar. 29 ýaşly Rodrigesde bolsa 14 ýeňiş we 3 ýeňliş bar. Ýeňil agram derejesi boýunça häzirki çempionlygy awstraliýaly söweşiji Aleksandr Wolkanowskiý özünde saklaýar.
