Werstappen “Formula-1-iň” Meksikanyň Gran-prisinde ýeňiji boldy

Werstappen “Formula-1-iň” Meksikanyň Gran-prisinde ýeňiji boldy

“Red Bull-yň” niderlandly sürüjisi Maks Werstappen “Formula-1” ulag klasyndaky awtoýaryşlar boýunça dünýä çempionatynyň 18-nji tapgyry bolan Meksikanyň Gran-prisinde ýeňiji boldy. 

“Mersedesden” ýedi gezek dünýä çempiony britaniýaly Lýuis Hemilton pellehana ikinji bolup geldi. Üçünji orny “Red Bull-yň” sürüjisi meksikaly Serhio Peres eýeledi. Ol ýurdunda geçirilýän Gran-pride baýrak alan ilkinji meksikaly ýaryşyjy boldy. 

Werstappen 312,5 utuk bilen çempionatda lider bolmagyny dowam etdirýär, ikinji orny Hemilton (293,5), üçünji orny onuň topardaşy finlýandiýaly Waltteri Bottas (185) eýeleýär. 

“Red Bull” 477,5 utuk gazanyp, Konstruktorlaryň kubogynda birinji orunda ýerleşýän “Mersedesden” (478,5) yza galyşyny azaltdy. Üçünji orny “Ferrari” (268,5) eýeleýär. Sanawy “Hass” jemleýär (0).

Indiki tapgyr 12 – 14-nji noýabrda Braziliýada geçiriler.