Xiaomi täze Redmi Note 11 Pro smartfonyny tanyşdyrdy

Xiaomi täze Redmi Note 11 Pro smartfonyny tanyşdyrdy

Xiaomi özüniň Redmi Note 11 smartfonlarynyň täze neslini görkezdi. Redmi Note 11-iň maşgalasyna esasy modelden başga-da, Redmi Note 11 Pro we Redmi Note 11 Pro+ hem girýär. Bu barada RIA Nowosti habar berýär.

Redmi Note 11 Pro we Redmi Note 11 Pro+ smartfonlary birmeňzeş diýen ýaly. Olaryň birinjisi 5160 milliamper-sagat akkumulýator we 67W zarýad beriji bilen enjamlaşdyrylan bolsa, ikinjisi 4500 mAh akkumulýatora 120W kuwwat bilen zarýad berýär. Olaryň gabynda aşa çalt elektrik üpjünçiligi hem gelýär.

Täze önümleriň korpusynda has köp göni çyzyklar bar we kamera bölümi has ulurak görünýär. Xiaomi smartfonlaryň IP53 reýtingine görä tozana we suwa çydamlydygyny öňe sürýär.

Smartfonlar 5G goldawy bilen orta derejeli MediaTek Dimensity 920 prosessorynda işleýär. Onuň operatiw ýady, wersiýa baglylykda, 6 ýa-da 8 GB, hemişelik ýady bolsa 128 ýa-da 256 GB bolup bilýär. Iki modelde hem JBL stereo dinamikalary, audiojek, power düwmesinde barmak yz skaneri, infragyzyl port, NFC we Wi-Fi 6 bar.

Täze önümleriň surata düşürmek mümkinçilikleri Redmi Note 10 Pro-nyň derejesinde galdy - bu esasy 108 megapiksel datçik, 8 megapiksel "şirik" we 2 megapiksel makrosensordyr. Öňdäki 16 megapiksel kamera ekrana ýerleşdirildi.