«Red Bull» toparynyň niderlandly sürüjisi Maks Werstappen ABŞ-nyň Gran-prisiniň kwalifikasiýasynyň netijeleri boýunça birinji orny eýeledi. Bu tapgyr «Formula - 1» maşyn klasyndaky awtoýaryşlar boýunça dünýä çempionatynyň 17-nji tapgyrydyr. Ýaryş Ostin şäherinde geçirilýär.
Werstappen iň gowy aýlawyny 1 minut 32,910 sekuntda geçdi. Ikinji netijäni «Mersedesiň» britaniýaly sürüjisi Lýuis Hemilton (0,209 sekunt yzda), üçünjini «Red Bull-dan» meksikaly Serhio Peres (+0,224) görkezdi. «Mersedesiň» finlýandiýaly sürüjisi Waltteri Bottas dördünji orny eýeledi.
Ýaryş 24-nji oktýabrda aşgabat wagty bilen 23:45-de başlanar.
