Ýaponiýanyň premýer-ministri Ýosihide Suganyň Hökümeti doly düzümde ýatyryldy diýip, Kyodo agentligi habar berýär. Şu gün, 4-nji oktýabrda Ýaponiýanyň parlamenti täze premýer-ministri saýlar. Ol täze Hökümeti düzer.
Ýaponiýanyň premýer-ministri wezipesine dalaşgärler partiýanyň agzasy bolanlygy sebäpli, düzgün boýunça, täze premýer-ministr wezipesine parlamentde köp ýere eýelik edýän partiýanyň dalaşgäri saýlanylýar.
Sentýabr aýynda Ýosihide Suga Ýaponiýanyň häkimlik edýän Liberal-demokratik partiýasynyň başlygynyň saýlawlaryna gatnaşmajakdygyny yglan etdi. Partiýanyň täze ýolbaşçysy wezipesine öňki daşary işler ministri Fumio Kisida saýlandy.