Iki agram derejesinde UFC-niň çempiony Konor Makgregor Twitterde janköýerlerine ýarym agyr agram derejesine gaýdyp barjakdygyny ýaňzytdy. Bu barada mma.metaratings.ru habar berdi.
Ol janköýerleriň biriniň: "Ýarym agyr agram derejesine gaýdyp bararsyňyzmy?" diýen soragyna "Hawa, bolup biler" diýip jogap berdi.
UFC-niň ýarym agyr agram diwizionynda Makgregor üç söweşe geçirdi. 2016-njy ýylyň 5-nji martynda ol UFC 196-da Neýt Diazdan ýeňildi. Şol ýylyň awgust aýynda Konor köplügiň karary bilen Diazy ýeňip, ar almagy başardy. Geçen ýylyň 18-nji ýanwarynda bolsa irlandiýaly söweşiji tehniki nokaut arkaly Donald Serroneni ýeňdi.
33 ýaşly Makgregoryň hasabynda 22 ýeňiş we alty ýeňliş bar. 11-nji iýulda UFC 264-iň esasy söweşinde ol birinji raundyň ahyrynda aýagyny döwdürip, tehniki nokaut arkaly Dastin Porýeden ýeňildi.
