Garyşyk söweş sungatynyň (MMA) braziliýaly söweşijisi Aleks Pereýra UFC bilen uzak möhletleýin şertnama baglaşdy we guramanyň taryhynda iň ýokary kepillendirilen zähmet hakyny alýan türgen boldy.
Çeşmeleriň berýän maglumatlaryna görä, onuň bir söweş üçin girdejisi 10 million dollar möçberinde bolar. Şertnama sekiz söweş üçin niýetlenendir we 38 ýaşly söweşijiniň UFC-däki karýerasynyň jemleýji tapgyry bolar diýlip garaşylýar.
Ylalaşyga gol çekilendigi barada on gün ozal mälim boldy. Täze şertnama, hakykatda, Pereýranyň hut şu guramanyň çäklerinde karýerasyny tamamlajakdygyny aňladýar.
Täze ylalaşyk boýunça ilkinji tutluşyk agyr agramda wagtlaýyn çempionlyk guşagy ugrunda fransuz Siril Gana garşy bolar. Ol 14-nji iýunda Ak tamyň golaýynda geçiriljek ýaryşda bolup, agşamyň ikinji esasy wakasyna öwrüler.
Ozal Pereýra ýarym agyr agramda çempionlyk titulyny boşatdy, ol bu guşagy geçen ýylyň oktýabr aýynda Magomed Ankalaýew bilen bolan rewanş tutluşygynda gaýtaryp alypdy.
Söweşiji eýýäm orta agramda UFC-niň çempiony bolupdy. Eger ol öňümizdäki söweşde ýeňiş gazansa, guramanyň taryhynda üç agram derejesinde çempionlyk guşagyny alan ilkinji türgen bolup biler.
