Fransiýaly Okon karýerasynda ilkinji gezek Formula-1 tapgyrynyň ýeňijisi boldy

  • 02.08.2021 08:47
  • 2.7k+

«Alpin» toparyndan fransiýaly Esteban Okon Formula-1 ulag klasyndaky awtoýaryşlar boýunça dünýä çempionatynyň 11-nji tapgyry bolan Wengriýanyň Gran-prisinde ýeňiji boldy. Ýaryş “Hungaroring” awtodromynda geçirildi.

Ikinji orny “Aston Martiniň” sürüjisi germaniýaly Sebastýan Fettel eýeledi. Üçünji “Mersedesden” britaniýaly Lýuis Hemilton boldy. Umumy sanawda öňde barýan niderlandiýaly Maks Ferstappen (“Red Bull”) pellehana onunjy bolup geldi. Okon karýerasynda ilkinji gezek “Formula-1” tapgyrynda ýeňiji bolýar.
Ýaryş badalgada bolan heläkçilik sebäpli 30 minut togtadyldy. Bu hadysa gatnaşyjylar finlýandiýaly Waltteri Bottas (“Mersedes”), britaniýaly Lando Norris (“Maklaren”), meksikaly Serhio Peres (“Red Bull”), kanadaly Lens Stroll (“Aston Martin”) we monegask Şarl Lekler (“Ferrari”) boldy. Heläkçilige gatnaşyjylar ýaryşy dowam etdirip bilmediler.
Okon 39 utuk gazanyp, umumy sanawda 11-nji orna çykdy. Hemilton 192 utuk gazanyp, umumy sanawda birinji orny eýeledi. Ikinji orunda Ferstappen (186), üçünji orunda Norris (113) ýerleşýär. 
Çempionatyň indiki tapgyry 27-nji awgustdan 29-njy awgust aralygynda Belgiýada geçiriler.


düýn 11:06
827

Formula-1 Awstriýa Gran-prisini 2041-nji ýyla çenli uzaltdy

Formula-1-de Awstriýanyň Gran-prisi tapgyryň promouteri Projekt Spilberg bilen täze ylalaşyk gazanylandan soň, 2041-nji ýyla çenli uzaldyldy. Muny "patyşalyk ýaryşlarynyň" metbugat gullugy yglan etdi. "Formula-1-iň köp ýyllaryň dowamynda “Red Bull Ringde” galjakdygyna begenýärin...

30.06.2025 11:22
1.6k+

Lando Norris “Formula-1-iň” Awstriýanyň Gran-prisi tapgyrynyň ýeňijisi boldy

“Maklareniň” britaniýaly sürüjisi Lando Norris “Formula-1” çempionatynyň 11-nji tapgyry bolan Awstriýanyň Gran-prisinde ýeňiji boldy. Ýaryş Şpilbergde geçirildi. Ikinji orny onuň topardaşy awstraliýaly Oskar Piastri eýeledi (2,695 sekunt yza galdy)...

16.06.2025 14:13
1.9k+

Jorj Rassell Kanadanyň Gran-prisiniň ýeňijisi boldy, Antonelli ilkinji gezek münbere çykdy

“Mersedes” toparynyň britaniýaly sürüjisi Jorj Rassell “Formula-1” dünýä çempionatynyň onunjy tapgyry bolan Kanadanyň Gran-prisiniň ýeňijisi boldy. Ýaryş Monrealdaky Žil Wilnýow adyndaky awtodromda geçirildi. Bu Rasselliň karýerasynda dördünji ýeňşi boldy...

12.06.2025 22:04
1.8k+

2026-njy ýylyň “Formula-1” möwsüminde Madridde hem ýaryş geçiriler

Halkara awtomobil federasiýasy (FIA) we “Formula-1-iň” ýolbaşçylygy 2026-njy ýyl möwsüminiň dünýä çempionatynyň senenamasyny hödürledi. Geçenki üç ýylda bolşy ýaly jemi 24 ýaryş meýilleşdirilýär. Möwsüm 6-8-nji martda Awstraliýadaky tapgyrdan başlar we 4-6-njy dekabrda Abu-Dabide tamamlanar...