Polina Gurýewa Türkmenistana ilkinji Olimpiýa medalyny alyp berdi

Polina Gurýewa Türkmenistana ilkinji Olimpiýa medalyny alyp berdi

Agyr atletika boýunça Türkmenistanyň milli ýygyndysynyň wekili Polina Gurýewa ýurdumyzyň taryhynda ilkinji Olimpiýa medalyny gazandy.

21 ýaşly türgen Tokio Olimpiadasynda agyr atletika boýunça 59 kg agrama çenli ýaryşlarda kümüş medala mynasyp boldy. Polina Gurýewanyň görkezen umumy netijesi 217 kg boldy (96 kg silterläp götermek + 121 kg itekläp götermek).
Bu agram derejede ýaryşda altyn medaly Hytaý Taýpeýinden Go Sinçjou eýeledi - 236 kg (103+133). Bürünç medaly Ýaponiýanyň wekili Mikiko Ando aldy - 214 kg (94+120).

TmCars.info-nyň adyndan watandaşymyzy bu üstünligi bilen gutlaýarys we indi çykyş etjek türgenlerimize üstünlik arzuw edýäris.