“Rossiýskaýa Gazeta” smartfony yssydan goramagyň bäş usuly barada makala çap etdi. Muny msn.com habar berdi.
Makala laýyklykda, smartfonyň tomusda gyzmagynyň öňüni almagyň iň esasy usullaryndan biri ony günüň aşagynda galdyrmazlykdyr. Smartfonyň günüň aşagynda galmagy batareýanyň aşa gyzmagyna, şeýle hem AMOLED displeýleriniň ýanmagyna getirip biler.
Smartfony yssydan goramagyň usullarynyň ýene biri hökmünde ony daşlyksyz (çeholsyz) ulanmak maslahat berilýär. Göni Gün şöhlesiniň täsiri astynda çeholly enjam has beter gyzýar, şonuň üçin ony aýyrmak maslahat berilýär.
Mundan başga-da, yssy wagtynda smartfona film we oýun oýnamak ýaly çylşyrymly işler bilen agram salmaly däl, sebäbi bu onuň hasam gyzmagyna getirýär. Şeýle hem, smartfonyňyza günüň aşagynda zarýad bermekden we öýjükli signal pes bolan ýagdaýynda ony ulanmakdan ýüz öwürmeli.
