Eýran BMG-niň Baş Assambleýasynda ses bermek hukugyna gaýtadan eýe boldy

Eýran BMG-niň Baş Assambleýasynda ses bermek hukugyna gaýtadan eýe boldy

Mälim bolşy ýaly, Eýran ýaňy-ýakynda gatanç tölegini tölemeýändigi sebäpli Birleşen Milletler Guramasynyň Baş Assambleýasynda ses bermek hukugyndan mahrum edilipdi. Indi bolsa ol bu hukugy gaýtadan dikeltdi diýip, cursorinfo.co.il habar berdi.

Ses bermek hukugyny Eýran 3-nji iýunda ýitiripdi. BMG-niň Baş sekretary Antoniu Guterriş Baş Assambleýanyň 75-nji mejlisiniň başlygy Wolkan Bozkyra ýazan hatynda Eýrany ses bermek hukugyndan mahrum etmek kararynyň ýatyrylandygyny aýtdy.
BMG-niň 19-njy Tertipnamasynda bir ýurduň karzy iki ýylyň gatanjynyň mukdaryndan artsa, onuň ses bermek hukugyndan mahrum ediljekdigi aýdylýar. Eýran bu mukdary yzyna gaýtardy we ses bermek hukugyny ýene dikeltdi.
Eýran bilen bir wagtyň özünde Merkezi Afrika Respublikasynyň (CAR) hem ses bermek hukugyny ýitirendigi habar berlipdi. Bu ýurt entek bergisini töläp bilmedi diýip, çeşme belleýär.