Italiýanyň Turin şäheriniň häkimligi «Ýewrowideniýe-2022» aýdym-saz bäsleşigini öz şäherlerinde geçirmegi teklip etdi. Bu barada Sputnik gullugy habar berdi.
Häzirki wagtda aýdym-saz bäsleşiginiň we Italiýanyň häkimiýetleriniň wekilleri bu çäräni geçirmek üçin iň amatly ýeri saýlamagyň üstünde işleýärler.
"Bu habara garaşmak bilen, biz şu günüň özünde Turiniň kandidaturasynyň üstünde işläp başlarys"-diýip, şäheriň häkimi Kiara Appendino sosial ulgamlarda mälim etdi.
Italiýanyň habar beriş serişdeleriniň ýazmagyna görä, ýaryşyň finalynyň öňüsyrasynda “Rai” döwlet telewideniýesiniň ýolbaşçylary "Ýewrowideniýäni" Turinde ozal hem geçirmekçi bolandyklaryny aýtdylar. Bu pikir 2017-nji ýylda ara alnyp maslahatlaşylypdy we şol wagt italýan aýdymçysy Françesko Gabbana ýaryşda öňdebaryjy hasaplanýardy.
"Şonda biz iki gezek duşuşdyk we Turin iň laýyk ýerdi"-diýip, şol wagt teleradio kompaniýasynyň müdiri aýdypdy.